Inauguración da exposición 'Antropoceno: Arte e Biodiversidade en Escenarios Periurbanos'

O vindeiro martes, 5 de xuño, Día Mundial do Medio Ambiente, o CEIDA inaugura na súa Sala de Exposicións a mostra 'Antropoceno: Arte e Biodiversidade en Escenarios Periurbanos', do artista murciano Eduardo Cortils. 

A mostra, que permanecerá na sede do centro de referencia en educación ambiental ata o 30 de xullo, recolle un total de 30 fotografías realizadas en espazos periurbanos, non necesariamente protexidos, onde a biodiversidade convive de maneira case extraordinaria con moitas actividades humanas. Un total de 130 especies inclúe este proxecto artístico, co que o artista pretende mostrar a convivencia da fauna e as persoas, e como os diferentes usos do solo e dos recursos poden ser compatibles coa protección e respecto aos valores naturais.

A inauguración terá lugar na pranta baixa do Castelo ás 13 h. Durante o acto, o artista explicará o seu proxecto artístico e fará un percorrido guiado polas súas obras. Á finalización da inauguración, os asistentes serán convidados/as a un viño.

Máis información sobre a exposición