Obradoiro 'Claves educativas para o coidado da terra: seguro de vida para a xuventude dunha sociedade en crise'

Os mozos e mozas de hoxe en día ven en risco o seu futuro. A crise socio-ambiental que vivimos na terceira década do século XXI reflíctese na súa saúde mental, deteriorada por falta de perspectiva. A adolescencia é a etapa de experimentar a paixón pola vida, desde a creatividade e o compromiso social. Baixo o paradigma hexemónico, a mocidade atópase coas mans atadas para desenvolver o seu proxecto vital. É imprescindible proporcionarlles un novo modelo, desde a ciencia e a filosofía, que lles permita transformar as ideas en accións ilusionantes que sosteñan a vida.

Algúns dos valores que se traballarán no obradoiro son:

• Avanzar cara á IGUALDADE desde a XUSTIZA SOCIAL.
• Xestionar os recursos da Terra axustándose aos seus LÍMITES BIOFÍSICOS desde unha CONCIENCIA ECOLÓXICA PLANETARIA que desenvolva unha ÉTICA ECOLÓXICA.
• Recoñecer-nos como SERES INTERDEPENDENTES e ECODEPENDENTES.
• Poñer en valor a SIMBIOXÉNESE-COORDINACIÓN-COOPERACIÓN en comparación á depredación.
• Facer uso da MEMORIA e da IMAXINACIÓN para pensar SOCIEDADES NOVAS que sosteñan e coiden a VIDA.
• Promover unha EDUCACIÓN EMOCIONAL-ECOLÓXICA cara a todo o vivo.