Ecomenú Literario: Día do Libro | Día da Terra

Durante o mes de abril conmemóranse dúas datas moi especiais para o CEIDA: o 22 de abril, Día da Terra; e o 23 de abril, Día do Libro. Neste 2022 o equipo de Documentación celebrará ditas efemérides cunha nova edición do Ecomenú Literario, actividade de lectura en voz alta para saborear a natureza a través dos libros e das palabras.

O ecomenú literario está dirixido a público adulto, e os/as comensais poderán gozar dun menú degustación deseñado para a ocasión. O obxectivo é crear un espazo para a reconexión coa natureza e todas as formas de vida, a lectura e a reflexión colectiva.

A cita terá lugar o vindeiro   23 de abril, ás 12 h., no xardín do Pazo de Lóngora, actual sede do Centro de Documentación. As  prazas son limitadas e é preciso confirmar a asistencia a través do seguinte   FORMULARIO.