I Festival das Aves da Ría do Burgo

Do 12 ao 17 de decembro o Concello de Culleredo e Swarovski Optik, en colaboración coa SGO, SEO/Birdlife, CEIDA e Reserva da Biosfera Mariñas Coruñesas e Terras do Mandeo, organizan o I Festival das Aves da Ría do Burgo. O evento inclúe actividades dirixidas a escolares de Culleredo con diferentes charlas sobre o naturalista galego Juan Lembeye e as aves da ría do Burgo, ademáis de observación e anelamento científico. O sábado 17 as actividades estarán abertas a toda a cidadanía: durante a mañá terá lugar unha observación de aves á altura do Xardín Botánico, así como diferentes obradoiros de anelamento e fabricación de comedeiros para aves. Durante a tarde, a xornada pecharase con catro charlas na Aula da Natureza Juan Lembeye. Todas as actividades son gratuitas e non precisan inscrición.