-
centro de referencia para a educación ambiental en GaliciaCEIDA -
capacitar para a sostibilidade ambiental -
sensibilizar sobre os problemas ambientais -
coñecer para conservar o patrimonio natural -
divulgar o coñecemento ambiental
Curso online Infraestrutura Verde Urbana: claves para a planificación, xestión e avaliación
Formación online. 40 horas (7 semanas)
- CEIDA
- Transitando
A infraestrutura verde é unha rede estratexicamente planificada de zonas naturais e semi-naturais deseñada e xestionada para proporcionar un amplo abanico de servizos ecosistémicos e protexer a biodiversidade. Nas contornas urbanas, é clave, ademáis, para transitar cara a cidades máis habitables, sostibles e resilientes. Por iso, cada vez máis administracións locais están a deseñar e aprobar estratexias de infraestrutura verde, co fin de “renaturalizar” a cidade e achegar solucións a algúns dos grandes problemas socio-ambientais da nosa época, como o cambio climático, a contaminación atmosférica ou o acceso equitativo a zonas verdes para o seu uso e goce.
Neste curso abordaremos cuestións clave vinculadas ao deseño, implementación e mantemento da infraestrutura verde nas contornas urbanas, o papel que xogan na planificación ante os novos retos das cidades, a relevancia da educación e a participación cidadá nestes procesos e os instrumentos necesarios para a súa correcta avaliación e seguimento.
Entre os seus obxectivos, destacan:
- Analizar e comprender o funcionamento da cidade e como a infraestrutura verde contribúe á habitabilidade, sustentabilidade e resiliencia urbanas.
- Fomentar a capacidade creativa e a reflexión colectiva.
- Compartir coñecementos e difundir o uso de ferramentas e experiencias que sirvan de guía para o deseño e xestión da infraestrutura verde urbana.
- Dar a coñecer recursos e metodoloxías para a educación e a participación socio-ambiental, ligadas á promoción, posta en valor e conservación da infraestrutura verde.
Persoal técnico de administracións locais; profesionais de consultorías e empresas de servizos ambientais; profesionais e estudantes de arquitectura, ciencias ambientais, xeografía, enxeñerías…; persoas vinculadas á educación ambiental, membros de organizacións e movementos sociais involucrados na transformación urbana; público xeral interesado.
Os contidos do curso traballaranse de forma conxunta a través de:
- A lectura dos textos base: documento realizado ex profeso para este curso, resumindo documentos de referencia e experiencias prácticas, explicando de forma sinxela e dinámica os conceptos, ideas e ferramentas necesarios para o deseño da infraestrutura verde urbana. Realizarase un texto base por cada tema.
- O desenvolvemento de exercicios: para ampliar os coñecementos adquiridos e concretalos sobre unha realidade, exponse o desenvolvemento de exercicios prácticos que se realizan de forma individual ou grupal tras a lectura dos textos base.
- A participación en debates e foros virtuais: cada tema contará cun foro que servirá para volcar os exercicios de todos os alumnos e alumnas e debater sobre os temas tratados, co obxectivo de crear un coñecemento colectivo a partir das experiencias, vivencias e coñecementos de todas as persoas participantes.
- Marta Hernández Arroyo, Investigadora e educadora en sostibilidade especialista en ecoloxía urbana.
- Jorge Cerezal Pérez, educador en sostibilidade especialista en programas educativos e participativos en entornos urbanos.
- Módulo 1: Introdución á infraestrutura verde urbana:
- Por que este curso? Grandes problemas socio-ambientais das contornas urbanas.
- Infraestrutura verde e conceptos relacionados.
- Marco normativo europeo, estatal, rexional e municipal.
- Módulo 2: Deseño, implementación e mantemento da infraestrutura verde urbana:
- Criterios para o deseño da infraestrutura verde urbana.
- Elementos da infraestrutura verde urbana.
- A infraestrutura verde urbana desde unha perspectiva de xustiza ambiental.
- Módulo 3: Educación e participación para a transformación urbana:
- O valor social e educativo da biodiversidade urbana.
- Como deseñar e poñer en marcha proxectos educativos en relación á infraestrutura verde urbana.
- Como deseñar e poñer en marcha procesos participativos ligados á infraestrutura verde urbana.
- Módulo 4: Seguimento e avaliación da infraestrutura verde urbana:
- Deseño dun plan de seguimento e avaliación da infraestrutura verde urbana.
- Marcos conceptuais e metodolóxicos para a avaliación da infraestrutura verde.
- Ferramentas e metodoloxías de avaliación e seguimento da infraestrutura verde.
- 30 prazas, por riguroso orde de inscrición.
- Matrícula xeral: 120 € (135 € para transferencias internacionais).
- Matrícula reducida: 10% desconto (108 €) para estudantes e persoas desempregadas.
Script modelado 3D
Acerca do Ceida
Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.
Castelo de Santa Cruz, s/n C.P. 15179 Liáns - Oleiros - A Coruña
981 630 618
981 614 443
ceida@ceida.org