Xornada online Ferramentas para Adaptación ao Cambio Climático

No marco do proxecto  LIFE SHARA  (“Sensibilización e Coñecemento para a Adaptación ao Cambio Climático”) convócase esta 1ª xornada específica sobre “Ferramentas para a Adaptación ao Cambio Climático” cun enfoque rexional en zoom formato webinar. LIFE-SHARA é un proxecto que está coordinado polo Ministerio para la Transición Ecológica y el Reto Demográfico a través da Fundación Biodiversidad, e conta como socios coa Oficina Española de Cambio Climático, o Organismo Autónomo Parques Nacionales, a través do CENEAM, a Agencia Estatal de Meteorología e a Agência Portuguesa do Ambiente.

Esta xornada enmárcase dentro do obxectivo específico do proxecto de reforzar as capacidades da  Plataforma AdapteCCa  para fortalecer o seu papel na gobernanza da adaptación ao cambio climático en España. En concreto, pretende:

• Dar a coñecer a importancia e relevancia da adaptación ao cambio climático.
• Presentar un conxunto de recursos, útiles e prácticos para analizar os impactos potenciais derivados do cambio climático e definir medidas orientadas a evitalos ou limitalos.
• Capacitar, a través de exercicios prácticos a análise de casos, para o uso adecuado dos recursos mostrados.