-
centro de referencia para a educación ambiental en GaliciaCEIDA -
capacitar para a sostibilidade ambiental -
sensibilizar sobre os problemas ambientais -
coñecer para conservar o patrimonio natural -
divulgar o coñecemento ambiental
Xornadas sobre o Monumento Natural Costa de Dexo-Serantes
Prazas limitadas!
Data
xoves, 24 Outubro, 2024 a sábado, 26 Outubro, 2024
Lugar
- Castelo de Santa Cruz (Oleiros).
- Costa de Dexo-Serantes.
- Antigas cabalarizas do Pazo de Lóngora.
Organiza
CEIDA
Colabora
Deputación da Coruña, dentro do programa 'Para unha Transición Ecolóxica'
Dirixido a
Todos os públicos.
Descrición das xornadas
A costa de Dexo-Serantes, caracterizada por espectaculares cantís que dan forma a unha paisaxe litoral singular, constitúe unha das mellores representaciós dos ecosistemas costeiros acantilados de Galicia. Neste espazo conviven hábitats litorais en bó estado de conservación, unha rica e variada biodiversidade e elementos que nos falan da pegada do ser humano neste territorio ao longo de milenios. Estos valores, xunto ao seu elevado valor como escenario privilexiado para a educación ambiental, motivaron a súa declaración como Monumento Natural no ano 2000 e a súa inclusión na Rede Natura 2000 no ano 2004.
Os obxectivos destas xornadas son:
- Conmemorar o 25º aniversario da declaración do Monumento Natural Costa de Dexo-Serantes e o 20º aniversario da súa inclusión na Rede Natura 2000.
- Divulgar a importancia do patrimonio natural e cultural da Costa de Dexo-Serantes.
- Actualizar e facilitar o acceso ao coñecemento recente sobre dito patrimonio.
- Poñer en valor a importancia do espazo como escenario para a práctica da educación ambiental, a interpretación do patrimonio e a sensibilización sobre a conservación dos medios litorais e as súas problemáticas.
As xornadas inclúen:
- A presentación do libro 'Contra vento e marea. O ciclo da vida no Monumento Natural Costa Dexo-Serantes'. Xoves, 24 de outubro.
- O seminario 'Monumento Natural Costa Dexo-Serantes. Un espazo natural a descubrir'. Venres 25 e sábado 26 de outubro.
Presentación do libro Contra Vento e Marea. O Ciclo da Vida no Monumento Natural Costa Dexo-Serantes
- DATA: Xoves, 24 de outubro
- HORA: 19 h.
- LUGAR DE CELEBRACIÓN: Antigas cabalarizas do Pazo de Lóngora (Rúa Casares Quiroga, 29. Liáns, Oleiros).
- PARTICIPAN: Sergio París (autor do texto), José Arcas (ilustrador), Carlos Vales (coordinador).
- SINOPSE DO LIBRO: Declarada no ano 2000 monumento natural pola Xunta e recoñecida pola UNESCO como zona núcleo da Reserva de Biosfera Mariñas Coruñesas e Terras do Mandeo, a costa de Dexo-Serantes é terra e é mar. Nesta fronteira entre ambos os mundos preséntase ante a nosa vista a relación harmoniosa entre o salgado e o terrestre, unha combinación íntima da que xorde un escenario ante o que fascinarnos e en cuxo coñecemento e respecto afondar. Da man do corvo mariño cristado, cuxa poboación é aquí a máis numerosa da costa peninsular ibérica, imos coñecendo ao longo dos doce meses toda a diversidade humana e natural que se desprega nos 12 km de costa que conforman este arco mariñán: dende os labores de pesca e as pegadas da cultura castrexa, ata as numerosas especies que acompañan o corvo, como sapos parteiros e ras das veigas pola parte dos anfibios; paíños europeos, chascos e andoriñóns, pola das aves; ou queirogas e toxos pola banda do reino vexetal.
- RESERVA DE PRAZA: como o aforo é limitado, agradecemos confirmar asistencia a través do formulario:
Seminario Monumento Natural Costa Dexo-Serantes. Un espazo natural a descrubrir
- VENRES, 25 OUTUBRO. CONFERENCIAS NO CASTELO DE SANTA CRUZ (OLEIROS)
- 9.30 h. Recepción participantes.
- 9.45 h. Presentación da Xornada: O proceso de declaración do Monumento Natural Costa de Dexo - Serantes. D. Carlos Vales Vázquez. Director do Centro de Extensión Universitaria e Divulgación Ambiental de Galicia - CEIDA.
- 10.30 h. A historia xeolóxica da Costa de Dexo-Serantes. Dr. Juan Ramón Vidal Romaní, Profesor Emérito Catedrático de Xeoloxía da Universidade da Coruña e Académico Numerario da Real Academia Galega de Ciencias.
- 11.15 h. Pausa.
- 11.30 h. Relevancia e estado de conservación dos hábitats e vexetación do litoral de Dexo-Serantes. D. Pablo Ramil Rego. Director do Instituto de Biodiversidad Agraria e Desenvolvemento Rural (IBADER) e Secretario do Consello Científico do Comité Español do Programa MaB (Man and Biosphere, Home e Biosfera) - España.
- 12.15 h. Valor de conservación das comunidades de aves mariñas e outra fauna de interese da Costa de Dexo-Serantes. D. Sergio París Gómez. Equipo de Educación Ambiental do CEIDA.
- 13.00 h. A pegada do ser humano na Costa de Dexo-Serantes ao longo da historia. Dna. Matilde González Méndez. Arqueóloga. Consultora en xestión de Bens Culturais, Difusión e Interpretación do Patrimonio.
- 13.45 h. Fauna, peixes e crustáceos dos fondos mariños da Costa de Dexo-Serantes. Dna. Paz Sampedro Pastor. Vicedirectora do Centro Oceanográfico da Coruña. Centro Superior de Investigacións Científicas – CSIC. e Dna. Patricia Verísimo Amor. Centro Oceanográfico da Coruña– CSIC.
- SÁBADO, 26 DE OUTUBRO. ROTEIRO GUIADO (só para as persoas asistentes ás conferencias do día 25).
- 10.00-13.00 h. Roteiro polo Monumento Natural Costa de Dexo-Serantes: un espazo para a Interpretación do Patrimonio e a Educación Ambiental. D. Francisco Illanes Ramos, Guía Intérprete e Educador ambiental, e D. Jorge Gude Armas, Equipo de Educación Ambiental do CEIDA.
Inscrición
- Inscrición gratuíta.
- Prazas limitadas.
Script modelado 3D
Acerca do Ceida
Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.
Castelo de Santa Cruz, s/n C.P. 15179 Liáns - Oleiros - A Coruña
981 630 618
981 614 443
ceida@ceida.org
Ultimas Novidades
-
19 Outubro, 2024
-
24 Outubro, 2024 a 26 Outubro, 2024
-