Reapertura do Centro de Documentación Ambiental Domingo Quiroga

Por fin podemos comunicar a reapertura do noso Centro de Documentación Ambiental, que dende o luns, 7 de marzo, está aberto a toda a cidadanía na súa nova sede, as antigas cabalarizas do Pazo de Lóngora. O centro funciona de forma similar a unha biblioteca, mais os seus fondos e servizos están especializados no eido ambiental. Forma parte ademáis do RECIDA - Rede de Centros de Información e Documentación Ambiental- xunto a outras 140 unidades de información especializadas de outras Comunidades Autónomas coas que traballa en rede.

O novo horario no Pazo de Lóngora é:

• Luns a xoves: 10 a 14 h. / 16 a 19 h.
• Venres: 9 a 14 h.

E a dirección: Rúa Casares Quiroga, 29, Liáns (Oleiros).

Para calquera dúbida ou consulta, o equipo de documentación está a disposición de todos os interesados no teléfono habitual do CEIDA (981 630 618) ou no correo documentacion@ceida.org

Esperámosvos no novo espazo verde do CEIDA!