Obradoiro Técnico sobre as Interaccións das Candorcas e os Veleiros: Navegación e Seguridade

Os humanos mantemos una contradictoria relación cos mamíferos mariños. Por unha banda, son especies cun estatus especial a causa da súa difícil situación de sobrevivencia, por outra, ocupan un lugar destacado no imaxinario e afecto humanos pero, en cambio, as actividades humanas, moitas delas perniciosas para as especies, distan moito de minguar, senón ao contrario aumentan.

O comportamento disruptivo que dende o ano 2020 adoptaron as candorcas, Orcinus orca, abre moitos interrogantes, preocupacións e dúbidas. Neste tempo xerou moita literatura e opinións dispares, o que crea distorsión sobre o valor dunha especie ameazada, o carácter da súa actuación e as consecuencias para a seguridade marítima. Acaso queremos que as candorcas sexan apenas una bonita lembranza?

• Obxectivo xeral:
  • Dar a coñecer a ecobioloxía das candorcas ibéricas, as interaccións con embarcacións e a vangarda dos debates e actividades propostas na liña da súa conservación.
• Obxectivos específicos:
  • Coñecer os detalles da ecobioloxía das candorcas ibéricas.
  • Coñecer de primeira man a información máis completa sobre as interaccións con embarcacións.
  • Coñocer os detalles relativos á navegación e seguridade en relación coas interaccións.
  • Coñecer os pasos dados polo goberno portugués e español.
  • Abrir un debate sobre as actividades propostas na líña da súa conservación.