Nova edición do Clube de Lecturas Verdes Clorofila

A nosa biblioteca e centro de documentación ambiental acaba de abrir o prazo de inscrición para a  nova edición do Clube de Lecturas Verdes CLOROFILA.  Xa sexa dende a narrativa ou do ensaio, este clube pretende dar a coñecer obras de temática ambiental para explorar o mundo que nos rodea, creando un espazo para a conversa e o intercambio de ideas, unha chamada a acción a través da lectura. 

As tertulias terán lugar unha vez ao mes (mércores) desde outubro de 2025 a xuño de 2026, e a inscrición realizarase para toda a tempada, tendo en conta que a asistencia é IMPRESCINDIBLE para sacar o máximo proveito ao clube.

Esta nova edición comezará coa novela  Cordillera,  da escritora e poeta  Marta del Riego  (Editorial AdN), e a primeira reunión terá lugar o  mércores 15 de outubro ás 19 horas  nas antigas cabalarizas do Pazo de Lóngora.

CLOROFILA forma parte do clube de lecturas verdes da Red de Centros de Información e Documentación Ambiental (RECIDA), por iso a maior parte dos títulos están escritos en castelán. Non obstante, tamén trataremos obras en galego.

As prazas son limitadas, e a inscrición pode realizarse a través do seguinte formulario: 

https://www.ceida.org/gl/formulario-confirmacion-de-asistencia-centro-de-documentacion