Illustraciencia5: Exposición da 5ª edición do Premio Internacional de Ilustración Científica e Naturalista Illustraciencia

O vindeiro sábado, 3 de febreiro de 2018, a Sala de Exposicións do CEIDA acolle a mostra da quinta edición do Premio Internacional de ilustración   Illustraciencia , un certame que ten como obxectivo premiar e divulgar a importancia da ilustración científica. Consciente do papel transcendental xogado pola ilustración ao longo da historia,  Illustraciencia  sitúase como unha plataforma internacional para dar visibilidade aos profesionais que contribúen a achegar a ciencia e a natura á sociedade mediante esta disciplina. 

Nesta quinta edición do certame presentáronse un total de 449 propostas de ilustradores de máis de 30 países, sendo os máis representados España, Portugal, Colombia e México. Entre as máis de catrocentas propostas recibidas, o xurado profesional seleccionou as corenta obras que forman parte desta mostra itinerante.

Illustraciencia  permanecerá na pranta baixa do Castelo de Santa Cruz ata o vindeiro 28 de marzo de 2018.   Máis información