Curso de Turismo, Educación e Ocio vinculados á Ornitoloxía na Costa Norte de Galicia

Do 4 ao 6 de outubro o Concello de Vicedo e o Concello de Mañón organizan o  Curso de Turismo, Educación e Ocio vinculados á Ornitoloxía na Costa Norte de Galicia, coa colaboración do CEIDA e SEO/Birdlife. A actividade está dirixida á mocidade (mozos e mozas de entre 18 a 30 anos) con interese polas aves silvestres en particular e a natureza en xeral, con vontade de iniciarse de maneira activa nas claves do turismo ornitolóxico e na práctica da ornitoloxía como forma de lecer persoal e/ou en familia. 

A inscrición é gratuita e o material preciso para a súa realización será aportado pola organización. As prazas son limitadas. 

Máis información e inscricións:  https://cursoturismoornitoloxico.gal