Inauguración da exposición 'A Mar Asoballada'

O venres, 6 de setembro, o CEIDA inaugura a exposición 'A Mar Asoballada', nova proposta artística dos colectivos RetoqueRetro e Mar de Fábula, que nesta ocasión contan tamén coas obras de Ars Ciencia e a súa mostra Mare Plasticum. A mostra é unha proposta conxunta de concienciación ambiental e fonte de inspiración que debera levarnos a un necesario replantexamento de relacións entre a sociedade actual e o mar. Toda a obra incorpora os residuos que o mar nos devolve con maior intensidade: O lixo – principalmente os plásticos- procedentes da descontrolada actividade humana. 

A inauguración terá lugar ás 20 h. na pranta baixa do Castelo de Santa Cruz (Oleiros), e ao finalizar o acto, os/as asistentes serán convidados/as a un viño.

Máis información sobre a exposición e os artistas en:   http://www.ceida.org/gl/educacion-e-divulgacion/a-mar-asoballada