Inauguración da exposición 'Ilustradoras de Natureza'

O venres, 8 de novembro, o CEIDA inaugura a exposición 'Ilustradoras de Natureza', que recolle o traballo colectivo de catro artistas (Encarna González, Lara Ingelmo, Marta Miñambres e Sandra Montañés) que, a través da súa sensibilidade e mirada persoal, amósannos distintos aspectos da nosa biodiversidade (o medio mariño, as aves da nosa contorna, as especies en perigo de extinción...). 

O acto terá lugar ás 20 h. na pranta baixa do Castelo de Santa Cruz (Oleiros), e contará coa presenza das súas autoras. Ao finalizar, as persoas asistentes serán convidadas a un viño.

A exposición 'Ilustradoras de Natureza' permanecerá na nosa sede ata o vindeiro 4 de xaneiro de 2020.

Máis información sobre a exposición e os artistas en:  http://www.ceida.org/gl/educacion-e-divulgacion/ilustradoras-de-natureza