Presentación do libro 'La recivilización' de Fernando Valladares

O prestixioso ecólogo especialista en cambio global e investigador do Museo Nacional de Ciencias Naturales do CSIC,  Fernando Valladares,  presenta na nosa biblioteca e centro de documentación ambiental o seu último libro,   La recivilización. Desafíos, zancadillas y motivaciones para arreglar el mundo  (Editorial Destino), un texto divulgativo que ofrece elementos clave para afrontar a crise socio-económica, política e ecolóxica que conleva o actual cambio climático, un dos maiores desafíos ao que a humanidade se ten enfrontado. 

Sobre Fernando Valladares Ros

Doutor é en Ciencias Biolóxicas pola Universidad Complutense de Madrid e profesor de investigación do CSIC, onde dirixe o grupo de Ecoloxía e Cambio Global no Museo Nacional de Ciencias Naturais. É, ademáis, profesor asociado da Universidad Rey Juan Carlos de Madrid. Publicou máis de 450 artigos científicos e libros en ecoloxía e bioloxía vexetal sendo un científico altamente citado na área de Ecoloxía e Medio Ambiente (atópase desde 2016 entre o 1% de científicos máis citados do mundo cun índice H de 85).

Actualmente é vicepresidente da Sociedad Ibérica de Ecología. A súa investigación está centrada nos impactos do cambio global nos ecosistemas terrestres e nos mecanismos de tolerancia e supervivencia a condicións ambientais extremas.

Contribúe semanalmente en numerosos medios de comunicación, realiza diariamente unha activa divulgación científica directa nas súas canles de “La salud de la Humanidad” en Youtube, Twitter, Instagram e Facebook, é responsable da sección Ciencia Critica de eldiario.es e escribe de forma habitual en diversos xornais como en The Conversation-España. Mantivo o blog Planeta Mutante no xornal Público entre 2011 e 2013.

En 2020 recibiu o premio de transparencia informativa da Asociación de Periodistas de Información Ambiental (APIA), a Distinción Ecosistemas Luis Balaguer da Asociación Española de Ecología Terrestre (AEET), o Climate Leader Award na categoría de Investigación e Educación concedido polo Climate Reality Project-España, e o Premio Adenex (Asociación para la Defensa de la Naturaleza y los Recursos de Extremadura) na categoría Científica.

Sobre La recivilización

Vivimos en guerra. Uns contra outros. Contra nós mesmos. Contra a natureza. Vivimos borrachos de tecnoloxía e soberbia, na convicción de que temos asegurada a supervivencia. Con todo, nunca estivo tan ameazada como agora, cando tocamos fondo como civilización. Cambio climático, perda de especies, guerras pola auga e violacións crecentes dos dereitos humanos. Esforzámonos en comprender esta crise, aínda que ao mesmo tempo fuximos cara adiante confiando na tecnoloxía ou mesmo a negamos por interese ou medo. Se a ciencia ten ben afinado o diagnóstico e as solucións, por que non avanzamos na súa resolución? O libro ofrece unha mirada crítica á nosa relación coa natureza e subliña a necesidade de preservar unha contorna natural saudable para nosa propia supervivencia. Porque hoxe, máis que nunca, é preciso dirixirnos hacia un modelo ecosocial basado na confianza, a empatía, a colaboración, máis que na competencia e a sobreexplotación. Un momento histórico no que debemos repensarnos para seguir existindo, e cuestionar o modelo de civilización. 

O acto de presentación terá lugar o   vindeiro luns, 18 de novembro, ás 19 horas,   nas antigas cabalarizas do   Pazo de Lóngora.

O   aforo é limitado,   polo que agradecemos confirmar asistencia no teléfono 981 630 618 ou no seguinte formulario: