NORAVES: Evaluación e mitigación da mortalidade accidental de aves mariñas en artes de pesca na Demarcación Noratlántica

NORAVES ten como obxectivo contribuír á mellora do coñecemento da magnitude do impacto da mortalidade accidental en artes de pesca nas poboacións de aves mariñas da Demarcación Mariña Noratlántica, con especial atención ás súas ZEPA mariñas, e realizar propostas de xestión e mitigación que contribúan á redución do impacto existente.

Para alcanzar este obxectivo exponse os seguintes obxectivos específicos:

1. Realizar unha análise espazo-temporal da actividade pesqueira con artes con potencial impacto sobre as aves mariñas na Demarcación Noratlántica.
2. Describir a distribución e hábitat no mar das especies de aves mariñas obxectivo na Demarcación Noratlántica.
3. Avaliar a interacción entre aves mariñas e actividade pesqueira e o impacto da mortalidade accidental en artes de pesca.
4. Ensaiar medidas de mitigación da mortalidade accidental en colaboración co sector pesqueiro.
5. Elaboración e proposta de protocolos de rexistro de mortalidade accidental de aves mariñas.
6. Formar a profesionais do mar e ámbitos relacionados en materia de mortalidade accidental, rexistro, xestión e mitigación do impacto.
7. Promover a cooperación entre entidades públicas e privadas, a colaboración intersectorial, a participación do sector na xestión e mitigación da mortalidade accidental.
8. Divulgar e comunicar á sociedade, con especial atención aos profesionais do mar, a importancia da conservación das aves mariñas do territorio, o impacto da mortalidade accidental e boas prácticas para a súa mitigación.
9. Propoñer medidas de xestión e mitigación para a redución da mortalidade accidental.

• A0. Plan de comunicación.
• A1. Análise espazo-temporal da actividade pesqueira.
•  A2. Análise do uso espazo-temporal da DM polas aves mariñas.
•  A3. Análise da interacción entre aves mariñas e actividade pesqueira, e avaliación do impacto da mortalidade accidental.
• A4. Ensaio de medidas de mitigación de mortalidade accidental de aves mariñas.
• A5. Elaboración de protocolo de rexistro de mortalidade accidental de aves mariñas.
• A6. Formación a profesionais da pesca, confrarías e administracións públicas en materia de mortalidade accidental e rexistro de eventos.
• A7. Proceso participativo co sector pesqueiro.
• A8. Elaboración informe final con propostas de xestión para a redución da mortalidade accidental.