Curso online 'Produtos interpretativos para a cultura oceánica - 4ª edición

O curso está plantexado para coñecer a interpretación do patrimonio como metodoloxía para comunicar os valores e importancia do patrimonio. A finalidade é expoñer e analizar os conceptos esenciais que fan desta disciplina unha metodoloxía idónea para conectar co público, poñendo énfase na idea central que denominamos “tema interpretativo”, que adoita presentar certas dificultades para a súa formulación e aplicación. Outros conceptos como “provocación do pensamento”, “relevancia” e “amenidade”, tamén contribúen a mellorar a efectividade das accións de mediación e posta en valor do patrimonio visitable. Usaremos como análise de caso a Cultura oceánica, os seus principios e os Obxectivos de Desenvolvemento Sostible (ODS), en concreto o ODS 14.

• Persoas que traballen ou desexen traballar na interpretación e presentación do patrimonio ao público en museos, centros de interpretación, sitios históricos, parques arqueolóxicos, etc.
• Profesionais e estudantes nos ámbitos da museoloxía, turismo, xestión cultural e o medio ambiente.

• Módulo 0. Cultura oceánica. 
  
  • Que é a cultura oceánica?
  • Principios da cultura oceánica.
  • ODS 14.
• Módulo 1. Introdución á interpretación do patrimonio.
  
  • O contexto da interpretación.
  • Finalidades e definicións.
  • Os principios de Freeman Tilden.
  • Comunicación secuencial e non secuencial.
• Módulo 2. Metodoloxía da interpretación.
  
  • Os tres pilares da interpretación.
    
    • O Recurso.
    • O Público Visitante.
    • As Técnicas.
  • Fundamento metodolóxico para a interpretación. O modelo TORA de Sam Ham.
    
    • Amena.
    • Relevante.
    • Organizada.
    • Temática.
  •  A mensaxe “interpretativa”.
• Módulo 3. Interpretación Secuencial.
  
  • O Proceso da interpretación para deseñar produtos interpretativos.
  • Interpretación Non Secuencial. Casos: Carteis e exhibicións interpretativas.
  • Recomendacións para o deseño.
• Módulo 4. Avaliación de produtos e servizos interpretativos.
  
  • Avaliación de produtos interpretativos.
  • Avaliación do impacto no público.