NatureWatch: VI Encontro Nacional de Turismo de Observación da Natureza

natureWatch é unha invitación ao impulso ordenado dunha das modalidades turísticas con maior potencial de crecemento no noso país: o Ecoturismo (con letras maiúsculas) centrado na observación da xea, a flora e a fauna. ​ ​Este encontro xira ao redor dos piares fundamentais do ecoturismo: os recursos naturais e as empresas que fan posibles as experiencias de observación da natureza que demandan, consumen e gozan miles de persoas cada ano.

Tras a celebración das cinco primeiras edicións nacionais, natureWatch viaxa a Galicia para apoiar o uso do turismo de observación da natureza como ferramenta para o desenvolvemento socio-económico sostible supeditado á conservación. ​ Durante tres días, coñeceremos de primeira man as claves dalgúns produtos ecoturísticos exemplares e teremos ocasión de saír ao campo acompañados de expertos para gozar do avistamento de aves litorais e mariñas nun dos sectores máis belos da costa galega, a denominada Costa Ártabra.

Tamén debateremos acerca das mellores formas de ordenar e facer compatible esta actividade coa conservación da natureza e outras actividades tradicionais, atendendo á problemática do sector en busca de solucións. Boas prácticas, sustentabilidade e turismo responsable serán termos de uso común ao longo do Encontro. ​