Obradoiro de Ilustración Científica

Neste obradoiro o alumnado aprenderá o que é a ilustración científica, como é o traballo nesta área, e realizaranse varias actividades que servirán de iniciación ás técnicas do punteado e do lapis de cor. Ao final de cada unha das dúas sesións as persoas participantes contarán con dúas artes finais (unha por técnica) realizadas grazas a todos os coñecementos aprendidos. Ao remate do obradoiro, o alumnado:

• Interpretará as formas e volumes dos diferentes obxectos e organismos que forman parte da natureza.
• Será capaz de organizarse para levar a cabo os diferentes pasos necesarios para realizar unha ilustración científica.
• Fará uso de diferentes técnicas (esbozo, entintado, punteado e lapis de cor) para ilustrar a realidade.
• Deseñará e levará a cabo as súas propias ilustracións científicas.

• Sábado 13 e sábado 20 de abril.
• De 10 a 14 horas.