Xornadas de sensibilización sobre incendios forestais

O proxecto GEFRECON persigue a promoción da Xestión Forestal Conxunta co fin de reducir o risco de incendios forestais no territorio POCTEP. O proxecto, cofinanciado polo Fondo Europeo de Desarrollo Regional FEDER a través do Programa InterregV-A España Portugal (POCTEP) 2014-2020, aborda unha temática de grande preocupación no territorio transfronteirizo como é a xestión de riscos relacionados co clima e, en concreto, a redución do risco de incendios forestais. 

Para abordar dito obxectivo, o Instituto Tecnolóxico de Galicia, en colaboración co CEIDA, organiza varias xornadas que pretenden solventar un dos problemas antrópicos que xeran máis incendios e de maior virulencia, como é a falta de sensibilización e formación da poboación e distintos actores de cara a respectar o mantemento das masas forestais en bo estado. O obxectivo principal das mesmas é, por tanto, sensibilizar á poboación sobre os incendios e cales son as mellores prácticas a adoptar para a súa prevención. 

• Importancia da conservación do bosque.
• Os incendios forestais.
• O uso do lume polos humanos.
• Un elemento natural e ecolóxico nos ecosistemas.
• Factores que afectan á propagación do lume:
  • Factores meteorolóxicos, topográficos e da vexetación.
• Tipos de lumes:
  • Lumes de superficies, de copas e de subsolo.
• Accións na loita contra incendios:
  • Detección de incendios.
  • Organización.
  • Maquinaria empregada.
• Consellos e recomendacións:
  • Na casa.
  • De excursión.
  • Viaxando en vehículo.
  • Nas tarefas agrícolas.