Curso online 'Sostibilidade e natureza, cara o cambio a un turismo rexenerativo'

Cada vez son máis os viaxeiros e viaxeiras que durante as súas vacacións na natureza preocúpanse por deixar o lugar que visitan mesmo mellor que á súa chegada. Tanto as persoas consumidoras como as profesionais da industria de viaxes están a preguntarse se é posible viaxar de forma que  cause menos dano ao medio ambiente, ou mesmo ver de que maneira as viaxes vacacionais poden melloralo.

Este concepto de turismo rexenerativo faise eco das prácticas da agricultura rexenerativa, destinadas a reverter o cambio climático, e non simplemente a retardalo. Cando se realiza de maneira responsable, a viaxe non só “non dana”, senón que rexenera e revitaliza activamente a contorna, producindo resultados positivos para as comunidades e as economías. Estes desafíos representan unha oportunidade para empresas e persoas emprendedoras dispostas a desenvolver oferta turística atractiva e de calidade no noso país.

Nese marco, o deseño de experiencias é un elemento clave para xerar produtos turísticos innovadores, transformadores e que marquen a diferenza en mercados nacionais e internacionais. 

Esta formación pretende entregar os coñecementos, metodoloxías, ferramentas e orientacións prácticas para deseñar experiencias turísticas de maior calidade, atractivo e diversidade, contribuíndo así a mellorar a oferta turística do noso país desde unha prespectiva máis responsable, amable e limpa coa natureza.

• 1º sesión: Turismo Rexenerativo, o novo paradigma turístico.
  • Ánalisis de problématicas para o cambio. Visión holística do mundo.
  • Principios de sustentabilidade, patróns da natureza e organizacións vivas.
  • Características e orixe do turismo rexenerativo.
• 2º sesión: O agroturismo como fonte de diversificación territorial.
  • Que é o turismo agroalimentario? Fundamentos e criterios.
  • Tipos de empresas no rural e requisitos.
  • Como se estrutura o turismo? Os cinco elementos da industria turística.
  • Como sabemos se un destino turístico é sostible? Claves para unha correcta xestión e execución.
• 3º sesión: A innovación social como fomento de oportunidades locais.
  • Deseño de experiencias paso a paso.
  • Análise de proxectos innovadores, locais e baseados en boas prácticas.
  • O teu territorio: recursos potenciais e dispoñibles.
  • Creación de paquetes e experiencias rexenerativas: da idea á oportunidade económica.

• Emisións en directo (Zoom).
• Contidos teóricos e exercicios prácticos na Aula Virtual do CEIDA.
• Idioma do curso: español.
• Diploma acreditativo.