NORAVES II. Ecoloxía trófica e mortalidade accidental de aves mariñas na ZEPA Corredor Migratorio Galaico-Cantábrico Occidental e a súa relación coa actividade e o recurso pesqueiro

O obxectivo xeral do proxecto é mellorar o coñecemento dos factores que condicionan a ecoloxía trófica das aves mariñas da Demarcación Mariña Noratlántica e da ZEPA Corredor Migratorio Galaico-Cantábrico Occidental, así como da súa relación coa actividade pesqueira e coa mortalidade accidental en artes de pesca, co fin de formular medidas de xestión e mitigación no marco das estratexias e plans estatais de conservación.

De maneira específica, o proxecto pretende:

• Analizar a distribución, o uso do hábitat mariño e a ecoloxía trófica das especies obxectivo.
• Avaliar a interacción entre as aves mariñas e a actividade pesqueira, así como o impacto da mortalidade accidental.
• Ensaiar medidas de mitigación en colaboración directa co sector pesqueiro.
• Formar profesionais do mar en materia de rexistro, xestión e redución das capturas accidentais.
• Promover a cooperación entre administracións, entidades científicas e sector pesqueiro, favorecendo a participación na conservación do medio mariño.
• Divulgar a importancia da conservación das aves mariñas e das boas prácticas para reducir a súa mortalidade accidental.
• Elaborar propostas de xestión que contribúan aos principais plans e estratexias nacionais para a conservación das aves mariñas e a redución das capturas accidentais. 

O proxecto estrutúrase en varias liñas de actuación complementarias que permitirán ampliar o coñecemento sobre as aves mariñas e mellorar a súa conservación:

• Seguimento da distribución das especies mediante censos, monitorización de colonias e tecnoloxías de seguimento remoto (GPS-GSM).
• Estudo da ecoloxía trófica das aves mariñas e da súa relación coa dispoñibilidade de recursos pesqueiros, incluído o papel dos descartes.
• Análise das interaccións entre aves e actividade pesqueira mediante embarques científicos, rexistro de capturas accidentais e elaboración de mapas de risco.
• Ensaio e avaliación de medidas de mitigación da mortalidade accidental en condicións reais de pesca, en colaboración co sector pesqueiro.
• Desenvolvemento de protocolos para o rexistro e seguimento das capturas accidentais.
• Organización de accións formativas e actividades de divulgación dirixidas aos profesionais do mar e á sociedade, promovendo a participación do sector pesqueiro e a cooperación entre entidades públicas e privadas.
• Elaboración de propostas de xestión e conservación que contribúan á aplicación das estratexias nacionais e europeas en materia de biodiversidade mariña, incorporando de forma transversal a perspectiva de xénero no desenvolvemento do proxecto.