Inauguración da exposición 'Unha mirada de antano. Fotografías de Ruth Matilda Anderson en Galicia'

O vindeiro xoves, 1 de agosto, terá lugar na Sala de Exposicións do CEIDA a inauguración da mostra 'Unha mirada de antano: Fotografías de Ruth Matilda Anderson en Galicia. A exposición, producida por AFundación e Obra Social ABANCA, recolle en imaxes e en anotacións minuciosas o que atopou Anderson nas súas expedicións en Galicia entre os anos 1924 e 1926, retratando ás nosas xentes, costumes e tradicións. Un legado etnográfico de valor incalculable.

A inauguración terá lugar ás 20 h. na pranta baixa do Castelo de Santa Cruz (Oleiros), e contará cunha visita guiada. Poderá visitarse ata o vindeiro 31 de agosto en horario de luns a venres de 9 a 14 h. e de 17 a 20 h., e sábados de 11 a 14 h.

Máis información sobre a exposición:  http://www.ceida.org/gl/educacion-e-divulgacion/unha-mirada-de-antano-fotografias-de-ruth-matilda-anderson-en-galicia