• centro de referencia para a educación ambiental en Galicia
    Máis Información
    CEIDA
  • capacitar para a sostibilidade ambiental
  • sensibilizar sobre os problemas ambientais
  • coñecer para conservar o patrimonio natural
  • divulgar o coñecemento ambiental

5ª sesión do Clube de Lectura Clorofila

Vostede está aquí

Inicio
5ª sesión clube lectura clorofila memoria secreta de las hojas

5ª sesión do Clube de Lectura Clorofila

Prazas limitadas!

O clube de lectura CLOROFILA é unha invitación do noso Centro de Documentación Ambiental para achegarse á natureza a través da literatura. Xa sexa dende a narrativa ou do ensaio, este clube pretende dar a coñecer obras de temática ambiental para explorar o mundo que nos rodea, creando un espazo para a conversa e o intercambio de ideas, unha chamada á acción a través da lectura. Mais CLOROFILA é, sobre todo, un espazo para coñecernos e gozar das lecturas verdes, para o diálogo colectivo, para compartir, para falar de forma distendida e poñer en común temas ambientais e sociais que nos afectan a todos.

O vindeiro   xoves, 22 de xuño,   ás 19 horas,   terá lugar a   quinta sesión do clube,  coa seguinte proposta:

La memoria secreta de las hojas, da científica estadounidense Hope Jahren (Austin, Minnesota, 1969), editado por Paidós. Unha biografía científica que mistura a divulgación sobre o mundo vexetal e a historia persoal dunha muller consagrada á ciencia. Con ela achegarémonos ao máxico universo das plantas silvestres, e seguro que a máis de un lle sorprenderá, xa que máis alá do que nos ensinaron na escola, a vida vexetal está repleta de comportamentos extraordinarios que indican unha intelixencia.

Os libros xa están á vosa disposición na sede do noso Centro de Documentación Ambiental Domingo Quiroga, as antigas cabalarizas do Pazo de Lóngora!

Se estás interesado/a en participar, envíanos a túa solicitude a través do seguinte  FORMULARIO

Script modelado 3D

CEIDA, Centro de Extensión Universitaria e Divulgación Ambiental de Galicia
Universidade da Coruña
Xunta de Galicia
Concello de Oleiros

Acerca do Ceida

Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.

Castelo de Santa Cruz, s/n C.P. 15179 Liáns - Oleiros - A Coruña
 981 630 618
 981 614 443
ceida@ceida.org

Suscríbete ás nosas novas

Políticas do sitio