Aberta a inscrición para o Clube de Lectura Clorofila

A nosa biblioteca e centro de documentación ambiental acaba de abrir o prazo de inscrición para o Clube de Lecturas Verdes   CLOROFILA.   Xa sexa dende a narrativa ou do ensaio, este clube pretende dar a coñecer obras de temática ambiental para explorar o mundo que nos rodea, creando un espazo para a conversa e o intercambio de ideas, unha chamada a acción a través da lectura. Está dirixido a todas aquelas persoas que lles guste ler, non buscamos público experto nin comentarios especializados, só persoas dispostas a compartir as súas impresións tras a lectura das obras propostas. 

CLOROFILA  forma parte do clube de lecturas da Red de Centros de Información e Documentación Ambiental (RECIDA), por iso a maior parte dos títulos están escritos en castelán. Non obstante, trataremos de incluír obras en galego. 

As reunións terán lugar un mércores ao mes, e a asistencia é imprescindible para poder sacar o máximo proveito ao clube. A primeira sesión desta tempada terá lugar o vindeiro  23 de outubro ás 19 horas. 

As prazas xa están cubertas, mais   abrimos lista de agarda.

Se estás interesado/a en participar no clube de lectura   CLOROFILA,   envía o seguinte    FORMULARIO