Buscando nome para os axudantes do proxecto ZOSTERA

Este 2020 o CEIDA puxo en marcha un novo proxecto que ten como obxectivo a divulgación e coñecemento das pradeiras mariñas nas costas galegas e cantábricas: o proxecto  ZOSTERA.  Entre moitas das súas accións, o proxecto inclúe actividades co alumnado dos centros educativos galegos, para poñer en valor e dar a coñecer os beneficios ambientais, económicos e sociais que as pradeiras nos proporcionan. Para iso conta con dous axudantes, unha parella de cabaliños de mar, uns dos moitos seres que habitan e dependen dos sebadais do litoral galego.

Pero hai un problema… os cabaliños aínda non teñen nome ‼️ Queres axudarnos? Debate coa túa familia e amigos cal sería un nome axeitado para cada un deles e fainolo chegar a través das redes sociais:

• Directamente, nos comentarios das entradas nas redes sociais do CEIDA.
• Nunha nova publicación, etiquetándonos ou nomeándonos (@ceidagalicia).
• Enviándonos unha mensaxe privada en calquera das tres redes (Facebook, Twitter ou Instagram).

As persoas participantes que propoñan a parella de nomes máis populares, serán agasallados cun lote de libros, por cortesía do CEIDA, composto por:

• O libro dos océanos, editado por Catro Ventos.
• Plasticus Maritimus: unha especie invasora, editado por KALANDRAKA.
• Un mar de vida para a cidadanía. CEIDA

Ademáis dunha colección de láminas ilustradas por Suso Cubeiro do Castelo de Santa Cruz!

Data límite para participar: domingo 5 de xullo.