Concerto Quinteto Cimarrón polo VI Aniversario da Reserva de Biosfera Mariñas Coruñesas e Terras do Mandeo

O domingo 23 de xuño, ás 13 h., terá lugar un concerto do Quinteto Cimarrón na Sala de Exposicións do CEIDA (pranta baixa do Castelo de Santa Cruz, Oleiros), con motivo do VI Aniversario da Reserva de Biosfera Mariñas Coruñesas e Terras do Mandeo.

O Quinteto, integrado na súa totalidade por músicos cubanos afincados en Galicia, nace no ano 2008 co obxectivo de gozar dos ritmos e melodías clásicas cubanas de sempre con un toque de jazz. Teñen colaborado con Paquito D’Rivera nos seus concertos, e un dos seus integrantes, Eduardo Coma, formou parte do grupo Luar na Lubre.

A asistencia é gratuita ata completar aforo.