Conversas naturalistas: cogomelos e libros, edición infantil

Continuando coa labor de divulgación do noso patrimonio natural entre os máis novos, a nosa biblioteca e centro de documentación ambiental organiza unha nova   Conversa Naturalista,   espazo de introdución ao mundo natural que combina a experiencia persoal de experto/as en determinadas materias e os libros que son imprescindibles para marabillarnos coa biodiversidade máis próxima.

Nesta ocasión, estará centrada no mundo dos cogomelos, e para achegarnos a eles contaremos coa presenza de   Raquel Poncini,   con quen aprenderemos sobre a súa bioloxía, identificaremos algunhas das especies que se atopan na nosa contorna, coñeceremos aqueles hábitats onde podemos atopalas,... mais tamén escoitaremos aquelas vivencias e experiencias persoais que a levaron a introducirse na micoloxía, así como as lecturas que considera indispensables para iniciarnos no reino fungi.

A conversa infantil incluirá un pequeno  taller de identificación   para aprender algunhas das características que temos que ter en conta á hora de recoller cogomelos.

A actividade terá lugar  o vindeiro   xoves, 7 de novembro, ás 18.00 h.    nas antigas cabalarizas do   Pazo de Lóngora,   actual sede do Centro de Documentación, cunha duración aproximada de dúas horas. 

Está dirixida a   público infantil, de 7 a 14 anos,   que poderán vir acompañados dun adulto, se o desexan.

Raquel Poncini
Técnico en Coidados Auxiliares de Enfermería no Sergas, afeccionada á micoloxía dende hai máis de 15 anos, é guía micolóxica titulada, e vicepresidenta da Asociación Micolóxica Coruñesa e da Federación Galega de Micoloxía.

Incrición:  é imprecindible reservar praza a través do seguinte formulario.