• centro de referencia para a educación ambiental en Galicia
    Máis Información
    CEIDA
  • capacitar para a sostibilidade ambiental
  • sensibilizar sobre os problemas ambientais
  • coñecer para conservar o patrimonio natural
  • divulgar o coñecemento ambiental

Cuarta sesión clube de lectura CLOROFILA: 'A brea de avelaíñas'

Vostede está aquí

Inicio
Cuarta sesión clube de lectura CLOROFILA: 'A brea de avelaíñas'

Cuarta sesión clube de lectura CLOROFILA: 'A brea de avelaíñas'

Prazas limitadas!

O clube de lectura CLOROFILA é unha invitación do noso Centro de Documentación Ambiental para achegarse á natureza a través da literatura. Xa sexa dende a narrativa ou do ensaio, este clube pretende dar a coñecer obras de temática ambiental para explorar o mundo que nos rodea, creando un espazo para a conversa e o intercambio de ideas, unha chamada á acción a través da lectura. Mais CLOROFILA é, sobre todo, un espazo para coñecernos e gozar das lecturas verdes, para o diálogo colectivo, para compartir, para falar de forma distendida e poñer en común temas ambientais e sociais que nos afectan a todos.

O vindeiro   mércores, 24 de maio,   ás 19 horas,   terá lugar a   cuarta sesión do clube,  coa seguinte proposta:

A brea de avelaíñas, do xornalista, ambientalista e escritor inglés Michael McCarthy (Reino Unido, 1947), editado por Kalandraka, dentro da colección Vitamina N. Con McCarthy abandonamos o realismo máxico da lectura anterior para introducirnos nunha obra de literatura de natureza cun forte tono reivindicativo. Durante case 300 páxinas, o autor chama á reflexión ante a enorme perda de biodiversidade que está a sufrir a natureza, e nos anima a redescubrir e gozar dela, participando na súa defensa e protección.

Os libros xa están á vosa disposición na sede do noso Centro de Documentación Ambiental Domingo Quiroga, as antigas cabalarizas do Pazo de Lóngora!

Para máis información, envía un correo-e a:  documentacion@ceida.org 

Script modelado 3D

CEIDA, Centro de Extensión Universitaria e Divulgación Ambiental de Galicia
Universidade da Coruña
Xunta de Galicia
Concello de Oleiros

Acerca do Ceida

Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.

Castelo de Santa Cruz, s/n C.P. 15179 Liáns - Oleiros - A Coruña
 981 630 618
 981 614 443
ceida@ceida.org

Suscríbete ás nosas novas

Políticas do sitio