Exposición 'Pintar con la' na biblioteca verde

A nosa biblioteca e centro de documentación ambiental acolle na súa sede, as antigas cabalarizas do Pazo de Lóngora, a   exposición 'Pintar con la: 2 D dry felting', da artista escocesa   Rowena Whitelaw , unha colección de obras realizadas con la e bordado, empregando a técnica do "dry felting". A mostra poderá visitarse na pranta baixa da biblioteca   do 14 de marzo ao 30 de maio.

A exposición

O dry felting é unha técnica textil cuxo proceso se basa en compactar as fibras de la ou o nobelo de la para formar un fieltro con distintas formas e espesores. Coa axuda dunhas agullas especiais, pódense crear obras de arte orixinais e diferentes ao que acostumamos ver en galerías de arte.

As obras que forman parte desta colección están realizadas con esta técnica de dry felting, con base de fieltro e engadindo detalles con bordado. Nela se recollen algunhas das pezas favoritas da artista, todas elas inspiradas pola beleza que nos rodea: paisaxes, prados, montañas, flores ou árbores. 

Sobre a artista

Rowena Whitelaw (Roo) é veciña de Oleiros desde hai 35 anos. De orixe escocesa, a súa vida profesional está vinculada ao ensino de idiomas. No seu tempo libre adícase á artesanía, pintando con la e bordado, e impartindo obradoiros desta técnica artística.

Os seus traballos poden coñecerse na súa conta de Instagram:   @chestful.of.felt 

Horario de visita

A exposición 'Pintar con la: 2D dry felting' poderá visitarse no seguinte horario (agás festivos):

• Luns-xoves: 10 - 14  h. / 16 - 19 h.
• ​​Venres: 9-14 h.