Programa de Visitas Guiadas ao Castelo de Santa Cruz

A Illa de Santa Cruz, en Oleiros, conta cun rico patrimonio natural e cultural froito principalmente da súa localización no interior da Ría da Coruña.

Este patrimonio mestúrase coa peculiar historia do Castelo de Santa Cruz que, ao longo destes catro séculos, foi e é un baluarte de defensa: defensa da cidade da Coruña dos ataques navais; defensa da cultura coa estancia da escritora Emilia Pardo Bazán; defensa social coa organización de colonias de verán para nenos e nenas orfos; e defensa do medio ambiente a través do CEIDA.

Para dar a coñecer todo este patrimonio natural e histórico, e dentro do programa “Para unha Transición Ecolóxica” que o CEIDA desenvolve xunto á Deputación da Coruña, comeza un programa de visitas guiadas dirixidas a todos os públicos de forma totalmente gratuita durante este verán, que se desenvolverá  desde o martes 1 de xullo ata o venres 29 de agosto de 2025.

Esta actividade terá lugar todos os   martes, xoves e venres ás 12:00 h.,  e o aforo será limitado a 15 persoas por grupo.

Quedas convidado/a a descubrir e desfrutar das pequenas marabillas que se agochan neste lugar!!

Reserva a visita guiada a través deste formulario: 

https://www.ceida.org/gl/reserva-visitas-guiadas