Programa Educativo: A xestión dos residuos na provincia de Pontevedra: a compostaxe

• Co apoio de

Deputación de Pontevedra

• Ano

2016-2023

• Descrición

A xestión dos residuos é un dos principais problemas ambientais aos que diariamente se teñen que enfrontar os concellos. A Deputación de Pontevedra fixo unha aposta clara pola colaboración coas Administracións Locais na posta en marcha de prantas de tratamento biolóxico e o impulso da compostaxe comunal, dentro do seu proxecto  Revitaliza.  Pero é preciso que a poboación local entenda a necesidade de separar a materia orgánica do lixo para reducir os elevados custes de recollida e tratamento, levando estos residuos aos composteiros. 

Este programa educativo desenvolvido polo CEIDA en colaboración coa Deputación de Pontevedra, está dirixido a todos os nenos e nenas de primaria e secundaria da provincia, preferentemente a aqueles próximos aos centros de compostaxe comunais que a Deputación instalou en distintos concellos, acompañado dunha formación específica tamén para o profesorado.

• Obxectivos
  • Concienciar á comunidade educativa da problemática dos residuos.
  • Alcanzar un cambio de actitudes e de responsabilidade na separación dos residuos orgánicos domésticos.
  • Conseguir un compromiso persoal ante a redución dos mesmos e co uso dos composteiros comunitarios.
  • Informar sobre a importancia da compostaxe como alternativa necesaria, ao ser máis económica e ecolóxica que os tratamentos actuais.

• Actividades desenvolvidas
  • Coordinación e seguimento do Programa educativo.
  • Deseño, maquetación e impresión dunha  Exposición Itinerante  acompañada dun tríptico explicativo.
  • Formación e Asesoramento documental ao profesorado dos centros educativos da provincia:  Guía de Recursos.
  • I Congreso de Educación Ambiental sobre residuos para os Centros de Ensino  vinculados aos composteiros comunais.
     

• Información adicional