Día da Biblioteca 2017

O vindeiro martes, 24 de outubro, conmemórase o Día da Biblioteca, co fin de trasladar á opinión pública a importancia das bibliotecas como lugar de encontro dos lectores de todas as idades coa cultura, e como instrumento de mellora da formación e da convivencia humana.

Por este motivo, a Biblioteca e Centro de Documentación Ambiental do CEIDA quere celebrar esta data tan especial con agasallos de libros para todas as persoas que empreguen o servizo de préstamo en sala durante a semana do 23 ao 28 de outubro.

Lembrámoslle que o horario de atención ao público nesta época do ano é de luns a venres de 9 a 14 h. e sábados de 11 a 14 h. E se aínda non coñece o servizo de biblioteca e centro de documentación pode informarse na seguinte   ligazón.