Coñece as pradeiras mariñas: visita guiada á praia de Santa Cristina-Oleiros polo Día Mundial dos Océanos

Con motivo da celebración do I Congreso Escolar sobre Pradeiras Mariñas, os nenos e nenas participantes dos 5 centros educativos e co apoio dos e das educadoras ambientais do CEIDA,  guiarán unha pequena actividade divulgativa sobre as pradeiras mariñas. A visita desenvolverase na zona interior de ría da Praia de Santa Cristina, e sobre a pradeira aprenderemos que son, onde se atopan en Galicia, que especies as compoñen, porque é tan importante a súa conservación e que beneficios nos proporcionan.

A actividade terá aproximadamente unha hora de duración.

Como o lugar onde se atopa a pradeira mariña é unha zona moi lamacenta, as persoas participantes deberán levar botas de goma, chanclas con boa suxeción ao pé, ou escarpíns e toalla, ademáis dun calzado e muda de reposto.