-
centro de referencia para a educación ambiental en GaliciaCEIDA -
capacitar para a sostibilidade ambiental -
sensibilizar sobre os problemas ambientais -
coñecer para conservar o patrimonio natural -
divulgar o coñecemento ambiental e fomentar a lectura verde
Pequenos xestos que implican unha gran solución. O lixo mariño
- CEIDA
- Deputación da Coruña
A problemática do lixo mariño está presente en todo o mundo, pero de xeito desigual e tamén inxusto en termos da súa orixe, medra cada ano e afecta a todos os ecosistemas e especies mariñas. Incluso a aquelas que nen sequera sabemos que existen aínda.
Co programa “Para unha Transición Ecolóxica” desenvolvido co apoio da Deputación da Coruña, aprenderemos como chegan os residuos aos oceános, cal é a súa orixe e as causas, nomeadamente aquelas estruturais dun sistema de consumo e de xestión de residuos actuais que provocan esta situación, as últimas políticas nacionais e internacionais para a súa redución, etc. Coñeceremos máis sobre o impacto que estes residuos xeran nas especies mariñas e en toda a cadena trófica ata chegar a nós, e reflexionaremos sobre as posibles actitudes que como mocidade poden ter ante esta problemática: desde o xesto máis aparentemente pequeno e individual ata aquelas outras accións colectivas necesarias para que podan herdar uns océanos limpos e sans.
- Identificar esta problemática e as súas causas, sendo capaz de entendela, e ollala de xeito crítico.
- Coñecer os impactos negativos que xeran as nosas actividades cotiás na xeración de residuos.
- Traballar e implicarse no desenvolvemento das posibles solucións que nos poden levar a unha mitigación e corrección deste grave problema ambiental.
Entidades sociais da Provincia da Coruña. Para entidades de fóra da provincia consultas as condicións e disponibilidade en educacion@ceida.org ou no 981 630 618
O programa inclúe as seguintes actividades:
- Primeira sesión:
- Actividade na sede da entidade sobre a problemática do lixo mariño. Presentación breve onde se expón de maneira sinxela e amena as causas e consecuencias do problema dos residuos nos océanos, en particular dos plásticos dun só uso, adquirir conciencia do noso impacto persoal e como podemos reducir ou tentar mitigar os seus efectos.
- Duración da charla: 50 minutos.
- Segunda sesión, con dúas opcións:
- Opción 1:
- Revisión do estado dunha praia e limpeza: Visita a unha praia cercana coas persoas interesadas onde realizamos un inventariado dos residuos que podemos atopar na praia, seguindo metodoloxías de Ciencia Cidadá, e anotando nunha ficha o tipo e cantidade de cada un deles. Ao remate facemos un cálculo do total e unha análise colecitva sobre o atopado Duración: 1 hora e media – 2 horas.
- Opción 2:
- Obradoiro de Crebeirxs: Actividade onde levamos á entidade o material que se pode atopar nunha praia e, mediante unha breve presentación, trataremos de chegar á súa orixe, ó seu uso, por qué acabou no mar, por qué non se xestionou correctamente, que outras alternativas teríamos,... Debater sobre o “greenwashing” e as posibilidades que temos para levar a cabo a loita contra esta problemática.
- Duración: 50 minutos.
- Opción 1:
- Terceira sesión (opcional):
- Naqueles centros que despois da realización da actividade na praia, as persoas participantes quedaron impactados coa problemática e que teñen interese nunha terceira sesión, propoñemos un obradoiro de reflexión colectiva que permita asentar os contidos, reflexionar sobre o modelo de produción imperante, e que permita a procura de solucións e accións tanto individuais como colectivas .
- Duración: 50 min.
- Curso 2025-206:
- As reservas poden realizarse para o período de setembro a decembro de 2025.
- Para as actividades de xaneiro a xuño de 2026 abrirase o seu prazo de solicitude correspondente.
- A realización das mesmas é gratuita para todos os centros educativos, agás os gastos de transporte que corren a cargo do centro solicitante.
- As solicitudes realizaranse a través do formulario.
- Máis información sobre este programa: educacion@ceida.org - 981 630 618
Script modelado 3D
Acerca do Ceida
Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.
Castelo de Santa Cruz, s/n C.P. 15179 Liáns - Oleiros - A Coruña
981 630 618
981 614 443
ceida@ceida.org