-
centro de referencia para a educación ambiental en GaliciaCEIDA -
capacitar para a sostibilidade ambiental -
sensibilizar sobre os problemas ambientais -
coñecer para conservar o patrimonio natural -
divulgar o coñecemento ambiental e fomentar a lectura verde
Un novo mundo por descubrir: os espazos naturais protexidos da provincia da Coruña
- CEIDA
- Deputación da Coruña
Entre outras figuras de protección e conservación da natureza, a provincia da Coruña conta con dous parques naturais -o das Fragas do Eume e o do Complexo Dunar de Corrubedo e Lagoas de Carregal e Vixán-, e unha Reserva da Biosfera, a das Mariñas Coruñas e Terras do Mandeo. Estes espazos senlleiros contan cunha riqueza natural e cultural que convén coñecer para entendela, poñela en valor e lograr actitudes respectuosas coa contorna.
O programa 'Para unha Transición Ecolóxica', desenvolvido co apoio da Deputación da Coruña, achega ás entidades participantes unha ampla visión destos espazos para que se estableza un vínculo afectivo tanto con eles, como coa natureza en xeral, e así sentar as bases de accións que desenvolvan no futuro orientadas á conservación do medio ambiente.
Nesta liña de traballo, ofrécense tamén actividades para o coñecemento dos valores naturais e culturais da Illa e o Castelo de Santa Cruz, onde o CEIDA ten a súa sede. Declarado Ben de Interese Cultural, coa súa historia senlleira conflúen uns valores naturais sorprendentes pola súa realidade insular, a contorna privilexiada, así como a vexetación e xardín histórico que atesora.
- Coñecer o patrimonio natural e cultural que albergan estes espazos, así como o seu valor ambiental xeral a través da historia.
- Analizar os recursos que amosa e o valor que aportan estas figuras ao territorio e á poboación local de cada un dos Parques Naturais e da Reserva da Biosfera.
- Entender as problemáticas ambientais ás que están sometidos estes espazos en busca do coidado e mantemento dos mesmos.
Entidades sociais da Provincia da Coruña. Para entidades de fóra da provincia consultas as condicións e disponibilidade en educacion@ceida.org ou no 981 630 618
O programa inclúe dúas sesións coas seguintes actividades:
- Primeira sesión:
- Actividade na sede da entidade sobre un dos espazos naturais protexidos da provincia da Coruña. Presentación breve onde se expón de maneira sinxela e amena as características dun espazo natural protexido, a importancia dunha figura de protección, a riqueza do seu patrimonio natural e cultural, os principais problemas ambientais que sofren e a forma que temos entre todos de poder axudar a protexelos.
- Duración: 50 minutos.
- Segunda sesión:
- Roteiro guiada polo espazo escollido: Parque Natural das Fragas do Eume, Parque Natural do complexo Dunar de Corrubedo e Lagoas de carregal e Vixán, ou Reserva da Biosfera das mariñas Coruñesas e Terras do Mandeo (esta última, con dúas opcións: Monumento Natural da Costa de Dexo ou Illa e Castelo de Santa Cruz).
- Duración: 2 horas e media – 3 horas (según o percorrido).
* En caso de escoller a opción 'Reserva de Biosfera Mariñas Coruñesas e Terras do Mandeo: Illa de Santa Cruz', a duración do roteiro será de 1 hora e 30 min
- Curso 2025-206:
- As reservas poden realizarse para o período de setembro a decembro de 2025.
- Para as actividades de xaneiro a xuño de 2026 abrirase o seu prazo de solicitude correspondente.
- A realización das mesmas é gratuita para todos os centros educativos, agás os gastos de transporte que corren a cargo do centro solicitante.
- As solicitudes realizaranse a través do formulario.
- Máis información sobre este programa: educacion@ceida.org - 981 630 618
Script modelado 3D
Acerca do Ceida
Centro de Extensión Universitaria e Divulgación Ambiental de Galicia- promove a educación ambiental en todos os sectores sociais, así como o intercambio científico e cultural, traballando na procura de solucións aos problemas ambientais e fomentando as boas prácticas cidadás neste eido.
Castelo de Santa Cruz, s/n C.P. 15179 Liáns - Oleiros - A Coruña
981 630 618
981 614 443
ceida@ceida.org