Exposición colectiva do obradoiro de fotografía de Ocioleiros

Exposición colectiva de fotografía que recolle as obras das persoas participantes no obradoiro levado a cabo no programa de actividades de Ocioleiros 2016, que organiza o Concello de Oleiros.

O obradoiro foi impartido polo prestixioso fotógrafo Gabriel Tizón, fotorreporteiro freelance que colabora habitualmente con axencias, periódicos e revistas nacionais e internacionais. Conta con máis de 50 exposicións individuais e 200 colectivas, pasando por cidades como Chicago, San Francisco, Vigo, Barcelona, Porto, Bruselas, Santiago de Compostela, Madrid, Coruña, Vitoria, ou Burdeos, entre outras. Foi galardonado en diferentes concursos nacionais e internacionais.