A auga é vida. Water is life

884 millóns de persoas no mundo carecen de acceso seguro a auga potable e máis de 2.600 millóns de persoas carecen de acceso a un saneamento básico, o que supón o 40% da poboación mundial. Neste contexto, cada ano, cerca de 2 millóns de persoas morren ao beber auga contaminada ou sucia, e a maioría deles son nenos. O 28 de xullo de 2010, a Asemblea Xeral das Nacións Unidas declarou o acceso seguro a unha auga potable salubre e ao saneamento como un dereito humano fundamental para o completo disfrute da vida e de todos os demáis dereitos humanos. 

'A Auga é Vida' é o lema da 2ª edición do Concurso Internacional da Oficina de Nacións Unidas de apoio ao Decenio Internacional para a Acción 'A auga, fonte de vida' 2005-2015 Zaragoza, España, no que estudantes e xoves artistas de todos os continentes sumáronse ao reto de interpretar e expresar coa súa propia arte os grandes retos, conflitos e problemas relacionados coa auga. O resultado foi impresionante: presentáronse 4.862 deseños de artistas de 83 países.

A mostra 'A Auga é Vida' recolle as obras máis destacadas deste concurso. Está formada por 30 carteis gráficos, dos 126 seleccionados, co fin último de concienciar e sensibilizar ao público acerca da problemática da auga no mundo.

Máis información:  http://www.un.org/spanish/waterforlifedecade/poster_expo.shtml