Consume de maneira sostible: defende a soberanía alimentaria (Programa Para unha Transición Ecolóxica)

• Coñecer o concepto de soberanía alimentaria, como incide no modo de produción dos alimentos que consumimos e na súa orixe.
• Analizar como un alimento foi producido, que distancia percorreu e as transformacións que sufriu ata chegar á nosa mesa.
• Entender que a crise alimentaria e climática están provocadas polo modelo actual de producción e consumo, e que tranformar o sector agrario é clave para mitigar moitos dos problemas da nosa sociedade.
• Recoñecer a labor dos produtores asociados á marca de calidade da Reserva da Biosfera Mariñas Coruñesas e Terras do Mandeo e outros que traballan por unha produción ecolóxica e local para unha alimentación saudable e sostible.
• Ter ferramentas e recursos que nos permitan ser críticos/as e tomar decisións que marcan os nosos hábitos alimentarios e de vida.

As actividades dirixidas aos escolares pretenden, co uso de metodoloxías activas, provocar a aprendizaxe vivencial e contextualizada, onde a parte construtiva e emocional ten unha gran importancia; non se trata dunha mera transmisión de coñecementos.  Con este fin utilízanse ferramentas para a reflexión e a innovación educativa relacionadas co estudo do medio ambiente e da contorna natural.

As actividades educativas destinadas aos centros de ensino están vinculadas ao currículo escolar, polo que é convinte organizar a actividade previamente cos/coas profesores/as e completala con accións previas e posteriores na aula.

O programa inclúe dúas sesións coas seguintes actividades:

• Primeira sesión:
  • Actividade no centro educativo sobre a soberanía alimentaria. Presentación breve onde se expón de maneira sinxela e amena o concepto de soberanía alimentaria, os principais problemas ambientais polos nosos hábitos de alimentación e consumo actuais, a importancia dunha agricultura e gandeiría ecolóxicas e sostibles, e a forma que temos entre todos de mudar on nosos hábitos diarios de consumo para axudar a mitigar este problema.
  • Duración: 50 minutos.
• Segunda sesión:
  • Visita guiada a un produtor asociado á Marca de Calidade da Reserva da Biosfera das Mariñas Coruñesas e Terras do Mandeo ou dos Grupos de Desenvolvemento Rural da provincia da Coruña, segundo nivel formativo:
    • 5º-6º de Primaria: Asociación Raíña Paraíso (Vilasantar).
    • 1º-4º de ESO: LABRECOS Soc. Coop. Galega (Cesuras).
    • Bacharelato e FP: a escoller entre Os Biosbardos (Cambre) e Abeiro da Loba (Sobrado).
  • Duración: desde 1h.30min. – 2h. 30min. (segundo o produtor).

• Os gastos da visita e actividades desenvolvidas cos distintos colaboradores serán asumidas polo CEIDA e a Deputación da Coruña durante o CURSO ESCOLAR 23/24. 
• Só se subvencionará unha actividade por grupo e por centro educativo participante.
• Os gastos de transporte ata as instalacións dos produtores colaboradores no programa para realizar dita actividade serán asumidos polo centro escolar participante.
• As solicitudes serán concedidas por rigorosa orde de chegada e o CEIDA se encargará de confirmalo ao centro escolar.

• As solicitudes realizaranse a través do formulario.
• Máis información sobre este programa:  educacion@ceida.org  -  981 630 618