Exposición Port-Able

“Port-Able art” é un proxecto internacional de artistas con intercambio de propostas plásticas entre creadores escoceses, ingleses e galegos, entorno a temas de identidade compartida, marcada por distintas interpretacións en varias localizacións portuarias dos seus respectivos paises: Ullapool, Ría da Coruña (Castelo de Santa Cruz, Oleiros) e London.

Conta coa participación de doce Artistas: Andrea Sinclair, Nan Tram, William M. Hudson, Elle Salt, Ian Stephen, Marian Leven, Charlotte Watters, Joanne B. Kaar, Isabel Pintado, Carlos Botana, Xacobe Meléndrez e Inma Doval.

Os portos elexidos (A Coruña, London e Ullapool) teñen ou tiveron lonxas e astaleiros, con numerosos intercambios culturais regulares nas súas beiras, diversidade de industrias navais, e unha historia marítima chea de cor, lendas de contrabando, batallas marítimas, Klondykers rusos e antigas rutas de comercio internacional.

A obra dos 12 artistas será transportada entre as distintas localidades en caixas de correo postal: doce paquetes ("set") que non poderán ocupar máis que unha caixa postal aérea estandar (15 x 47 x 25,5 cm) (1800 gr por caixa).

Máis información acerca do proxecto:https://portableproject2015.wordpress.com