Paisaxes suízas: onde comezan os soños

Suíza agocha diferentes cualidades paisaxísticas debido principalmente á súa situación xeográfica e a orografía do terreo; influenciando o clima e, en última instancia, cada un dos elementos naturais que o compoñen. Ademais, a cultura local compleméntase perfectamente. Esta riqueza patrimonial provoca, máis cun simple contacto, unha unión atemporal có medio natural.

O ser humano, impulsado por sentimentos de liberdade e aventura, descobre neste territorio unha forma de cumprir os seus desexos máis fantasiosos. O reencontro coa natureza formalízase ante os misterios que desprende cada recuncho; o feitizo consolídase.

A exposición fotográfica representa unha mostra das variedades paisaxísticas suízas; priorizando os elementos propios da natureza, e a súa sintonía ante situacións máis antropizadas.

As fotografías realizáronse en diversas viaxes entre os anos 2011 e 2014 nas estacións de primavera e verán. Consta de 26 imaxes que se dividen en 3 grandes grupos (1 por sala). Estos grupos baséanse nas tres principais rexións segundo as características orográficas do territorio.

• Sala 1: macizo do Jura

Ocupa o 10% do territorio e sitúase no Oeste/Noroeste do país. É a zona máis pequena das tres, polo que só se expoñen 3 fotografías.

• Sala2: meseta central

Entre os dous sistemas montañosos de Suíza, atopamos esta extensa meseta que ocupa o 30% do territorio. Nesta parte, inclúense 10 fotografías.

• Sala 3: Alpes e Prealpes

Esta parte é a máis grande das 3; ocupa o 60% do país. Componse de 13 fotografías.