Xornada de voluntariado ambiental para as familias con Plant for the Planet

Actividade de voluntariado ambiental para familias, nenos/as e xóvenes que terá lugar no encoro de Beche (Abegondo). Está organizada por Plant for the Planet co patricinio de DKV Seguros e a colaboración do CEIDA, o concello de Abegondo e a Reserva de Biosfera Mariñas Coruñesas e Terras do Mandeo.

Plant for the Planet  é unha iniciativa que busca identificar e reforzar o liderado de nenos/as e xóvenes nun dos retos máis importantes do noso planeta, o cambio climático. Para localizar a estes nenos/as e xóvenes con sensibilidade, motivación e ilusión por formar parte de este proxecto de alcance internacional, empréganse actividades chamadas Academias, coas que nacen os Embaixadores pola Xustiza Climática de Plant for the Planet.

A Academia do sábado 1 de xuño constará das seguintes actividades:

• Roteiro interpretativo pola contorna do Encoro de Beche para pais e nais.
• Actividades e obradoiros educativos para os nenos/as e mozos/as participantes.
• Plantación simbólica de arborado autóctono por parte das familias.
• Almorzo e xantar a cargo da organización (bocadillo, auga e froita).
• Entrega de diplomas e Kit de Embaixador pola Xustiza Climática aos nenos e nenas e xóvenes participantes.

A actividade será coordinada e supervisada por educadores/as ambientais do CEIDA, Concello de Abegondo e Reserva de Biosfera Mariñas Coruñesas e Terras do Mandeo.