Clube de lectura

O clube de lectura CLOROFILA é unha invitación para achegarse á natureza a través da literatura. Xa sexa dende a narrativa ou do ensaio, este clube pretende dar a coñecer obras de temática ambiental para explorar o mundo que nos rodea, creando un espazo para a conversa e o intercambio de ideas, unha chamada á acción a través da lectura.

Mais CLOROFILA é, sobre todo, un espazo para coñecernos e gozar das lecturas verdes, para o diálogo colectivo, para compartir, para falar de forma distendida e poñer en común temas ambientais e sociais que nos afectan a todos.

Está dirixido a todas aquelas persoas que lles guste ler, non buscamos un público experto nin comentarios especializados, só persoas dispostas a compartir con nós as súas impresións tras a lectura das obras propostas. 

O grupo de lectura ofrece 15 prazas, e en cada convocatoria abrimos as sesións para que as persoas interesadas poidan anotarse e recoller un exemplar do libro, que sempre atoparán dispoñible en préstamo na nosa biblioteca verde.

CLOROFILA forma parte do clube de lecturas da Red de Centros de Información e Documentación Ambiental (RECIDA), por iso a maior parte dos títulos están escritos en castelán. Non obstante, trataremos de incluír obras en galego.

Para máis información:  documentacion@ceida.org  - 981 630 618

Neste momento estamos lendo: 

EL SENDERO EN EL BOSQUE Autor: Adalbert Stifter Editorial: Impedimenta Data da sesión: mércores, 15 de outubro de 2026 Hora: 19 h. Sinopse: novela curta do escritor, pintor e pedagogo austríaco Adalbert Stifter, escrita en 1845, que conta a historia de Tiburius Kneight, un home rico, solitario, neurasténico e misántropo que leva unha vida cómoda pero profundamente baleira. Cansado de todo, Tiburius decide acudir a un balneario seguindo o curioso consello dun médico pouco convencional. En lugar de medicamentos, este recoméndalle pasear polo bosque, debuxar, observar a natureza e achegarse á vida sinxela do campo. A partir deste contacto coa natureza, a paisaxe e as persoas sinxelas, Tiburius comeza un proceso de transformación.  Máis información do autor e do libro:  https://impedimenta.es/producto/el-sendero-en-el-bosque

Estas son as lecturas que xa limos no clube: