Ponte a Zero: Guía de Recursos Educativos sobre Residuos, Compostaxe e Horta Escolar

Co fin de educar e sensibilizar sobre a redución e boa xestión dos residuos urbanos, a Deputación de Pontevendra puxo en marcha no 2023 o programa educativo ‘Ponte a Zero’, dirixido aos centros educativos de infantil, primaria e secundaria da provincia. Este programa está desenvolvido polo Centro de Extensión Universitaria e Divulgación Ambiental de Galicia (CEIDA) a través dun convenio de colaboración coa Deputación, e nel inclúense actividades nas aulas, xornadas de formación do profesorado, obradoiros e seminarios, entre outras.

Esta guía de recursos educativos, elaborada polo Centro de Documentación Ambiental Domingo Quiroga, a biblioteca verde do CEIDA, inclúe información sobre os residuos urbanos, a compostaxe e as hortas escolares, e pretende servir como material de apoio aos centros participantes no programa educativo, e a todas as persoas que traballan no campo da Educación Ambiental vinculada aos residuos.

A maior parte dos documentos pódense descargar a texto completo ou visualizar a través da Rede, mais tamén inclúe recursos físicos dispoñibles en préstamo no centro.